Ermənistanın Tavuş əyalətində traktorun iştirakı ilə yol-nəqliyyat hadisəsi baş verib. Avtosfer.az “Shamshyan.com”a istinadən xəbər verir ki, qəza iyunun 28-də Arçvabed kəndi ərazisində qeydə alınıb. 

Məlumata görə, “DT-75” markalı traktorun aşması nəticəsində sürücü 30 yaşlı Akop Babasyan və onun 37 yaşlı sərnişini Karen Babasyan müxtəlif dərəcəli bədən xəsarətləri alıb. Yaralıları, aşan traktorun altından, hadisə yerinə çağırılan “911” xidmətinin əməkdaşları çıxarıblar və təcili tibbi yardım briqadasına təhvil veriblər. Xəstəxanaya çatdırılan A.Babasyan aldığı ağır xəsarətlərdən orada ölüb.

Bildirilir ki, ölən və yaralanan doğma qardaş olublar, onlar hərbi hissələrin birində qulluq edirlərmiş.

Namiq Musayev