Şəmkir rayon Polis Şöbəsinin Dövlət Yol Polisi Bölməsinin əməkdaşları rayon ərazisində avtoxuliqanlıq edən Həsənov Elvin Valeh oğlunu saxlayıb. DYP-dən Avtosfer.az-a verilən məlumata görə, 30 yaşlı Elvin Həsənov idarə etdiyi “Mercedes” markalı, T 002 ME 06 nömrə nişanlı avtomobillə rayon ərazisində avtoxuliqanlıq hərəkətlərinə yol verib. O, əhalinin dincliyini pozan qərəzli hərəkətlər etməklə yol hərəkəti qaydalarını kobud şəkildə pozub. Yol polisi tərəfindən saxlanılan sürücü barəsində toplanmış materiallar məhkəməyə göndərilib. Şəmkir rayon Məhkəməsinin qərarı ilə Elvin Həsənov 1 il müddətinə sürücülük hüququndan məhrum edilməklə 500 manat məbləğində cərimələnib.

Emin