Hadisə aprelin 1-də baş versə də, mediaya indi sızıb. Avtosfer.az-ın Britaniya mediasına istinadla xəbərinə görə, aprelin 1-də pullu gənclərdən biri özünə təzə “Ferrari 488” alıb. Lakin gəncin xoşbəxtliyi uzun sürməyib. O, Ferrarinin nümayəndəliyindən çıxdıqdan cəmi 3 km sonra qəza keçirib və avtomobilin qabaq hissəsi yararsız vəziyyətə düşüb. Avtomobilin alış qiyməti 250 000 dollardır.
Hörmətli oxucu. 
Deyə bilərsiniz ki, sürücünün nə vecinə sığorta təmir etdirəcək. Bəli, haqlısınız, bir şərtlə ki, sürücü sərxoş olmasaydı. Bu situasiyada polis sürücünün sərxoş olduğunu təsdiq etdiyi üçün sığortadan əlini üzməlidir. Qərb ölkələrində sığorta şirkətləri bir qayda olaraq qəza zamanı sərxoş sürücüyə qarşı mülki iddia qaldırır. Bu zaman əksər hallarda məhkəmə sığorta şirkətinin xeyrinə qərar çıxarır.