Dağlıq Qarabağ münaqişəsinin yeganə məntiqli həll yolu Azərbaycanın işğal olunmuş ərazilərinin qaytarılmasıdır.

Avtosfer.az xəbər verir ki, bunu Trend-ə amerikalı ekspert Enders Vimbuş deyib.

O bildirib ki, uzun illər ərzində münaqişə həll olunmadığı üçün eskalasiya riski hər zaman mövcud olub:

“Həll olunmamış münaqişələr yekun nəticədə hər zaman kəskinləşir. Bu halda səbəb və nəticə sıx əlaqəli olur. Ermənistan 1990-cı illərin əvvəllərində Azərbaycanın ərazilərini işğal edib, Azərbaycanın isə uğurla müdafiə olunması üçün imkanları olmayıb. Bu gün Azərbaycanın imkanları, motivi və enerjisi var, Ermənistan isə geosiyasi baxımdan çaşqınlıq içindədir”.

Ekspert əlavə edib ki, Ermənistan üçün yeganə məntiqli həll yolu Azərbaycanın ərazilərini qaytarmaq və öz xalqının mənfi reaksiyasının öhdəsindən gəlməkdir.