Almaniyada ictimaiyyətə təqdim edilməyən “BMW M8”-in sirli prototipi qəzaya uğrayıb. Avtosfer.az xəbər verir ki, hadisə Nyürburqrinqdə keçirilən test zamanı baş verib. Bu barədə fotoları “Carscoops” nəşri dərc edib.

Məlumata görə, avtomobil hərəkətdə olarkən sürücünün idarəetməsindən çıxıb və dəmir baryerlərə çırpılıb. Bildirilir ki, sürücü qəzadan xəsarət almadan sovuşub.

Kadrlarda, qəzadan sonra şirkət nümayəndələri, avtomobilin üzərini xüsusi örtüklə bağlamağa  macal tapıblar. Ancaq fotolarda, avtomobilin ön hissəsinin ciddi zərər gördüyü və sürücü tərəfdən qapının batıq olduğu görülür.

Hadisə şahidləri, maşının ön asma oxunun da qırıldığını deyiblər.

Namiq Musayev