ABŞ-da hərəkətdə olan “Tesla Model S” elektrikli maşını yarı avtomatik “autopilot” rejimində polis avtomobilinə çırpılıb. Avtosfer.az xəbər verir ki, hadisə Şimali Karolina ştatının Neş dairəsində qeydə alınıb. Bu barədə “Electrek” portalı məlumat yayıb.

Məlumata görə, şəxsi avtomobilində qəzaya düşən həmkarının köməyinə gələn polis əməkdaşı xidməti maşını yol kənarına park edərək onun yanına gedib. Bu zaman “Tesla Model S” markalı maşın polis avtomobilinə çırpılıb. Zərbənin təsirindən patrul maşını yol kənarına düşüb və nəticədə ciddi xəsarət alanlar olmayıb.

“Tesla”nın sürücüsü etiraf edib ki, o, idarəetməni avtomobilin elektronikasına etibar edərək smartfonda filmə baxıb.   

Namiq Musayev