Rusiyanın Sankt-Peterburq şəhərində motosikletlinin ölümü ilə nəticələnən ağır yol qəzasının görüntüləri təhlükəsizlik kamerasına düşüb. Avtosfer.az xəbər verir ki, hadisə Admiralteysk rayonunda qeydə alınıb.

Kadrlarda, motosikletin sürətlə hərəkətdə olduğu və qəfildən sürücünün idarəetməsindən çıxaraq səkiyə çırpılaraq aşdığı görülür.

Zərbənin təsirindən sürüşən sürücü həmin anda səkidə irəliləyən şəxsə dəyir, motosiklet isə metrlərlə sürüklənir.

Yerli KİV-in məlumatına görə, qəza nəticəsində motosikletli hadisə yerində dünyasını dəyişib. Yaralı piyada isə xəstəxanaya çatdırılıb.

Faktla bağlı araşdırmalara başlanılıb.

Namiq Musayev