Türkiyənin İstanbul şəhərində bir şəxs onu təhqir edən kişini küçənin ortasında bıçaqlayıb. Avtosfer.az İHA-ya istinadən xəbər verir ki, insident ötən gün Pendik rayonunda qeydə alınıb.

İddiaya görə, A.B.K., daha əvvəl onu təhqir edən A.K.-nı küçədə irəliləyərkən görüb. A.B.K. bir müddət onu təqib etdikdən sonra qaçaraq A.K.-nin yanına gəlib və bıçaqlamağa başlayıb.

Bədənin müxtəlif yerlərindən bıçaq zərbələri alan A.K. yerə yıxılıb, A.B.K. isə hadisə yerindən uzaqlaşıb. Ətrafdakı insanların çağırışı ilə hadisə yerinə polis və təcili tibbi yardım briqadasının əməkdaşları gəlib. Yaralı ambulansla xəstəxanaya çatdırılıb.

Şübhəli A.B.K isə, polis tərəfindən aparılan əməliyyat-axtarış tədbirləri nəticəsində saxlanılıb.

Faktla bağlı araşdırma aparılır.

Namiq Musayev