Rusiyanın Volqoqrad şəhərində betonqarışdıran maşınının və minik avtomobilinin iştirakı ilə baş verən ağır yol qəzasının görüntləri təhlükəsizlik kamerasına düşüb. Avtosfer.az xəbər verir ki, hadisə “Aviator” şosesi ilə “Sesoqorsk” küçəsinin kəsişməsində qeydə alınıb.

Kadrlarda, betonqarışdıran maşının işıqforun qadağanedici siqnalından keçdiyi və bu anda sürətlə hərəkətdə olan “taksi” fəaliyyəti göstərən avtomobilə çırpıldığı görülür.

Zərbənin şiddətindən yük maşını “taksi”ni bir neçə metr sürükləyir.

Qəza nəticəsində minik avtomobilinin ön kreslosunda əyləşən müştəri aldığı xəsarətlərdən xəstəxanada dünyasını dəyişib.

Faktla bağlı araşdırmalar aparılır.

Namiq Musayev