Rusiyanın Sankt-Peterburq şəhərində hüquq-mühafizə orqanları avtoservisi qarət edən dəstəni axtarır. Avtosfer.az xəbər verir ki, insident ötən gecə Simonov küçəsində qeydə alınıb. Bu barədə “78.ru” portalı məlumat yayıb.

Məlumata görə, “BMW” ilə avtoservisə gələn silahlı 4 nəfər oradan seyf oğurlayıblar. Cinayətkarlar seyfi avtomobilin yük yerinə qoymaq istəyən zaman, qarətdən xəbər tutan servis işçiləri onların qaçmağına mane olmaq üçün “VAZ-2105” markalı maşını quldurların olduğu “BMW”yə çırpıb. Ancaq buna baxmayaraq dəstə avtomobilə minərək qaçmağa müvəffəq olublar.

Hadisə zamanı şübhəlilərdən birinin xəsarət aldığı bildirilir.

Hazırda polis əməliyyat-axtarış tədbirlərinə başlayıb.

Namiq Musayev