Rusiyanın Sankt-Peterburq şəhərində əks yola çıxan avtomobilin polis maşını ilə toqquşma görüntüləri təhlükəsizlik kameralarına düşüb. Avtosfer.az xəbər verir ki, hadisə Obuxovsk prospektində qeydə alınıb.

Kadrlarda, “VAZ-2107” markalı avtomobilin hərəkətdə olduğu və sürücünün sosial şəbəkədə canlı yayım edərkən sükan idarəetməsini itirdiyi görülür. Bundan sonra yolun əks zolağına çıxan “07” qarşıdan gələn Yol Patrul Xidmətinin maşını ilə toqquşur.

Yerli KİV-in məlumatına görə, qəza nəticəsində 4 nəfər xəsarət alıb.

Faktla bağlı araşdırmalara başlanılıb.

Namiq Musayev