Rusiyanın Xantı-Mansiyski Muxtar Dairəsində qayda pozan avtomobili saxlayan polis əməkdaşını qar təmizləyən maşın vurub. Avtosfer.az xəbər verir ki, insident yanvarın 26-da Surqut – Nijnevartovsk avtomagistralının 189-cu kilometrliyində baş verib.

Rusiyanın Daxili İşlər Nazirliyinin Regional İdarəsindən bildiriblər ki, ərazidə xidmət aparan Yol Patrul Xidmətinin (YPX) əməkdaşları, yolun əks istiqamətində yüksək sürətlə “Mercedes-Benz” markalı avtomobilin hərəkətdə olduğunu görüblər. Bundan sonra sürücünü saxlamaq məqsədi ilə yolu keçməyə çalışan polis inspektorunu “Kamaz” markalı qar təmizləyən maşın vurub. Zərbənin şiddətindən asayiş keşikçisi bir neçə metrə havada uçaraq yerə düşüb.

Nəticədə o, ağır xəsarətlər alıb. Yaralı, hadisə yerinə çağırılan “təcili tibbi yardım” briqadasının maşını ilə xəstəxanaya çatdırılaraq reanimasiya şöbəsinə yerləşdirilib.

Namiq Musayev