Rusiyanın Çelyabinsk əyalətində minik avtomobili svetofora çırpılıb. Avtosfer.az yerli KİV-ə istinadən xəbər verir ki, insident yanvarın 1-də günorta saatlarında Pervoy Pyatiletki və Qorkovo küçələrinin kəsişməsində qeydə alınıb.

Məlumata görə, 27 yaşlı qadın idarə etdiyi “Lada Granta” markalı minik avtomobillə, sürətlə hərəkətdə olan zaman sükan idarəetməsini itirib. İdarəetmədən çıxan “Lada” əvvəlcə yol kənarına sürüklənib və sonra da svetofora dəyərək aşıb.

Nəticədə sürücü və sərnişin qismində olan 2016-cı il təvəllüdlü qız xəsarətlər alıb. Yaralılar “təcili tibbi yardı” maşını ilə xəstəxanaya çatdırılıblar. 27 yaşlı qadın müalicə üçün palataya yerləşdirilib, balaca qız isə ambulator müalicəyə göndərilib.

Qəzanın görüntüləri təhlükəsizlik kamerasına düşüb.

Namiq Musayev