Çində TIR-ın qoşqusunun altına sıxışaraq sürüklənən avtomobilin görüntüləri təhlükəsizlik kamerası tərəfindən qeydə alınıb. Avtosfer.az xəbər verir ki, insident noyabrın 20-də ölkənin şərqində yerləşən Zhejiang əyalətinin Venzhou şəhərində baş verib.

Kadrlarda, TIR-ın arxa qoşqusunun altına minik avtomobilinin sıxışdığı və bundan sonra bir müddət yük maşınının arxası ilə sürükləndiyi görülür.

Yerli polisin məlumatına görə, qəza sürücünün yorğun olması səbəbindən meydana gəlib. “Sürücü 8 saat avtomobil idarə etdikdən sonra sükan arxasında mürgüləyib və nəticədə qəza baş verib”.

Bildirilir ki, avtomobil bu vəziyyətdə 4 kilometrdən çox irəliləyib. Minik avtomobilinin sürücüsü TIR-ın sürücüsünü xəbərdar etməyə çalışsa da, buna nail ola bilməyib.

TIR sürücüsü, yalnız arxadan gələn digər sürücünün onu xəbərdar etməsindən sonra bundan xəbər tutub.

Polis hər iki nəqliyyat vasitəsinin sürücüsünü cərimələyib.

Namiq Musayev