Türkiyədə Şimal Ətrafı avtomagistralında iki TIR-ın toqquşmasından sonra yanğın baş verib.  Avtosfer.az xəbər verir ki, insident bu gün Ömərli qovşağında, Ədirnə istiqamətində qeydə alınıb.

Məlumata görə, təkəri partladığı üçün təhlükəsizlik zolağında gözləyən TIR-a arxadan gələn başqa bir TIR çırpılıb. Qəzadan sonra maşınlardan biri yanmağa başlayıb. Ətrafdakı insanların çağırışı ilə yanğınsöndürmə briqadaları gəlib.

Alov qısa müddət ərzində briqada əməkdaşları tərəfindən ram edilib.

Namiq Musayev