19 yaşlı malaziyalı qadın ərinə 200 min dollarlıq “Lamborghini” hədiyyə edib. Avtosfer.az-ın xəbərinə görə, qadın ərinin yaxında dünyaya gələcək uşağa yaxşı baxması üçün bu addımı atıb. Malaziyanın Kelantan ştatındakı ənənəyə görə uşaq dünyaya gətirən qadın 100 gün əlini ağdan qaraya vurmur. Əmizdirmə istisna olmaqla uşağa qulluq kişinin üzərindədir. 19 yaşlı internet fenomeni qadın isə bu ənənəni ciddi qəbul edib bütün ölkəyə yaymaq istəyib.
Gənc qadın sosial şəbəkədə bildirib ki, ərinin uşağa yaxşı qulluq edəcəyinə inanır: “Mən ərimə güvənirəm. O, pişiyimizə də çox yaxşı baxır”.