Bu video ötən əsrin 80-ci illərində çəkilib. Avtosfer.az xəbər verir ki, həmin vaxtlar avtomobil idmanı SSRİ-də kifayət qədər populyar idi. 1970-ci ildə “Jiquli” həyata vəsiqə aldıqdan sonra avtomobil idmanı daha böyük templə inkişafa başladı. Bu idmandan sovet ittifaqında həm də təbliğat məqsədi ilə istifadə edilirdi.
Təqdim etdiyimiz video Kanadada lentə alınıb. Sürücülərin peşəkarlığı göz qabağındadır. Texnikadan məlumatı olan şəxsdə belə bir sual ortaya çıxa bilər: bir qədər palçıq və ya buzda hərəkəıt edə bilməyən Jiquli 1 təkəri havada necə gedir? Bunun cavabını sonraya saxlayaq. 
Əsas məsələ budur ki, buradakı avtoşlar peşəkarlıq nümayiş etdirirlər. Onların şousu heç kimə təhlükə yaratmır, əksinə təmsil etdikləri ölkəyə baş ucalığı gətirib. ən əsası, onlar heç biri orta təhsilli “papanın gül balaları” deyil. İstənilən sovet ralli sürücüsünün ali texniki təhsili olub. Onların arasında hətta elmi dərəcə sahibləri də var. Başqa sözlə, ralli pilotları bu işi özlərini qohum-qonşuya, qızlara göstərmək üçün yox, komandalarına qalibiyyət gətirmək üçün ediblər. 
Ən əsası, avtoxuliqanlıqla avtomobil idmanı ayrı-ayrı şeylərdir.

Vüqar