Bu hadisə Səbail rayon Polis İdarəsinin qarşısında - Abbasqulu Abbaszadə küçəsində baş verib. Avtosfer.az xəbər verir ki, Milli Məclisdən "Oksford" məktəbinə qalxan yol sutkanın istənilən saatında yüklənmiş olur. Burada ani ləngimə nəqliyyatın bütün hərəkətini iflic edir.  Bu videodakı 90 NO 991 nömrəli avtomobilin sahibi də görünür sürücülüyə yeni başlayıb. Ya da yanacağa qənaət etmək üçün ara küçədən birbaşa yola çıxmaq istəməyib. Qadın sürücü təxminən 1 dəqiqə ərzində irəli geri manevr edərək nıəhayət yola çıxa bildi. Amma bu 1 dəqiqəlik ləngimə hər 2 istiqamətdə azı 1 kilometrlik tıxac yaratdı.  
Qadının karıxıb qalmasında digər sürücülərin də rolu az olmadı. Hərəkət ani olaraq ləngiyən kimi hamı obrazlı desək siqnalın üstündə oturdu.
Siqnal məsələsinə gəlincə, bizdə təəssüf ki vəziyyət ürəkaçan deyil. Amma ümid edirəm ki bunun da çarəsi tapılacaq.  
Yeri gəlmişkən, Afrikanın bir neçə ölkəsində polis siqnaldan istifadəni minimuma endirmək üçün maraqlı üsxula əl atıb: böyük şəhərlərdə sünii tıxac yaradılılb (svetofor vasitəsi ilə). Tıxacda gözləyərkən siqnaldan istifadə edən sürücülər cərimələnib. Etiraz edənlərə cavab eyni olub: səs siqnalı qəzanın qarşısını almaq üçündür. Tıxacda gösləyən avtomobil hansı qəzanı törədə bilər?

Vüqar