Bu gün Bakı Beynəlxalq Avtovağzal Kompleksində daşıyıcı şirkətlərin rəhbərləri naarazlıqlarını ifadə ediblər. Avtosfer.az xəbər verir ki, şirkət nümayəndələri qanunsuz sərnişindaşıma ilə məşğul olan sürücülərdən şikayətçidir. Bildirilər ki, biletləri topdan alaraq sonradan sərnişinlərə baha qiyməttə satır, eyni zamanda bu cür qanunsuz fəaliyyətin çoxluğu qanuni fəaliyyət göstərən şirkəttləri ziyana salır. Sərnişin çatışmamazlığından şikayət edən şirkət rəhbərləri artıq işləyə bilmədiklərini dilə gətirirlər. Onlar bu barədə tərdbir görülməsini istəyirlər.

Ekspert Elməddin Muradlı da hesab edir ki, bu cür vəziyyətə son qoymaq lazımdır. "Qanunsuz fəaliyyət qanuni fəaliyyəti ötüb keçib. Biz demirik ki, onları kənara atmaq lazımdır. Onlar üçün də avtovağzalda geniş şərait var. Fəaliyyət göstərib dövlətə vergi ödəsinlər."

Nəqliyyat və Yüksək Texnologiyalar Nazirliyinin rəsmisi Nuridə Allahyarova Avtosfer.az-a bildirib ki, gələn həfədən etibarən Bakı şəhəri ərzisində Bakı Nəqliyyat Agentliyi və yol polisi, regionlarda isə Daxili İşlər Nazirliyinin əməkdaşları bu cür sürücülərə qarşı tədbbirlər həyata keçirəcək. 

Orxan Əli