Sosial şəbəkələrdə yayılan qatarla avtomobilin toqquşma anının görüntüsü qan dondurdu. Avtosfer.az bildirir ki, qəza avropa ölkələrinin birində baş tutub. Dəmiryolunda nə işıqforun qırmızı işığına, nə də şlaqbauna əhəmiyyət verməyən sürücü yaxınlaşmaqda olan qatarı ötüb keçəcəyini düşünür və nəticədə olanlar olur. Toqquşma qaçınılmaz idi. Avtomobilin sürücüsü qəzadan sağ çıxsa da, ağır xəsarətlər alır. 

Qeyd edək ki, avtomobilin sürəti hər nə qədər çox olsa da, qatarı ötüb keçə bilməz. “Qatar gələnə qədər mən keçib gedərəm” düşüncəsində olan sürücülərə dünyanın hər yerində rast gəlmək mümkündür. Belə videoları təqdim etməkdə məqsədimiz bu cür halların necə nəticələnə biləcəyini bir daha diqqətə çatdırmaqdır.