Türkiyənin paytaxtı Ankarada guya smit sataraq ailəsini dolandırdığını və xəstə olduğunu deyərək insanları aldadıb yardım toplayan şəxs hüquq-mühafizə orqanları tərəfindən saxlanılıb.

 “İhlas Haber Ajansı” (İHA) Ankara şəhərinin polis departamentinin yaydığı məlumata istinadən xəbər verir ki, insanların xeyirxahlıq hissindən istifadə edən kişi 4 237 lirə (946 manat) məbləğində cərimələnib.

Qeyd olunur ki, saxlanılan şəxs əvvələr də insanları aldatdığına görə bir neçə dəfə inzibati qaydada cərimə olunub.