Türkiyənin İstanbul şəhərində idarəetmədən çıxan yük maşını altı nəqliyyat vasitəsinə ciddi ziyan vurub. Avtosfer.az DHA-ya istinadən xəbər verir ki, hadisə iyulun 22-də səhər saatlarında Sultangazi rayonunun “Uğur Mumcu” məhəlləsində qeydə alınıb.

Məlumata görə, Savaş Qayanın idarə etdiyi asfalt yüklü yük maşını yoxuş aşağı hərəkətdə olarkən idarəetmədən çıxıb və qarşısına çıxan 6 nəqliyyat vasitəsini yararsız vəziyyətə salıb. 

Qəza nəticəsində Savaş Qaya müxtəlif dərəcəli bədən xəsarətləri alıb.

Faktla bağlı araşdırma aparılır.

Namiq Musayev