Rusiyanın Çelyabinsk əyalətində iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 19-da Maqnitoqorsk şəhərində qeydə alınıb.

Məlumata görə, “Volkswagen Polo” markalı minik avtomobilinin sürücüsü yol kəsişməsində hərəkət qaydalarına riayət etməyərək manevr etmək istəyərkən, qarşıdan gələn “Ford Focus”la toqquşub. Zərbənin şiddətindən hər iki nəqliyyat vasitəsinin ön hissəsi deformasiyaya uğrayıb.

Qəza nəticəsində avtomobillərin sürücüləri, “Volkswagen”dəki 6, 10, 13 yaşlarında uşaq və 1 sərnişin, “Ford Focus”da olan daha bir şəxs müxtəlif dərəcəli bədən xəsarətləri alıb.

Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev