Rusiyanın ən iri avtomobil istehsalçısı olan “AvtoVAZ” şirkəti bu gündən etibarən istehsalı tam dayandırıb. Avtosfer.az-ın APA-ya istinadən verdiyi məlumata görə, buna səbəb avtomobil komponentlərinin əsas tədarükçüsü olan “Zavod Avtokomponent” MMC-nin üzərinə götürdüyü öhdəliklərin pozulması və avtomobil komponentlərin tədarükünün dayandırılmasıdır. “AvtoVAZ” həm Tolyatti, həm də İjevskdə yerləşən zavodlarda istehsalı dayandırmağa qərara alıb. Hazırda şirkət istehsalın bərpası üçün lazımi tədbirlər görməkdədir.