Sfera.az bildirir ki, buna səbəb Rusiyanın payızda ABŞ-ı vura biləcək nüvə raketlərini sınaqdan keçirəcəyini açıqlaması olub. "Roskosmos” kosmik agentliyinin rəhbəri Dmitri Roqozin deyib ki, "Satan 2” adlanan raketlər Moskvadan təxminən 3 min kilometr şərqdə, Krasnoyarsk vilayətinin Sibirin Uxur qəsəbəsində yerləşdiriləcək. "Şeytan 2” raketləri Moskvadan atıldıqda İngiltərənin paytaxtı Londona çata biləcək mənzilə malikdir, yəni sözügedən raketlə Rusiya bütün Avropa paytaxtlarını vurmaq gücünə sahibdir. Məlumata görə, ABŞ da raketin uçuş məsafəsi daxilindədir.

"British Express” qəzeti isə ABŞ-ın müdafiə sisteminin Rusiya raketlərini dayandıra biləcəyini iddia edib. 

"200 milyard dollarlıq layihə Putinin raketlərini yer üzündən silə bilər” başlıqlı xəbərə görə, sistem üç əsas elementdən ibarətdir. Birləşmiş Ştatlarda yerləşdirilmiş ən azı 44 yerüstü raket sisteminin olduğu düşünülür. ABŞ-ın raket əleyhinə müdafiə agentliyi bu sistemin 19 sınaqdan 11-ni uğurla keçdiyini bildirib. Qeyd edilib ki, ABŞ-ın raketlərdən qorunmasında mühüm rola malik olan "THAAD” atmosferin yuxarı qatlarında və atmosferdən gələn raketlərə qarşı mübarizə aparan yer əsaslı tutuculardan istifadə edir. Sistem indiyədək 15 dəfə sınaqdan keçirilib və sınaqlardan uğurla keçib. Məlumata əsasən, ABŞ-ın yeddi "THAAD” batareyası var və onlardan üçü Sakit Okeanda yerləşdirilib.

Qeyd edək ki, Rusiya bu yaxınlarda adi və ya nüvə başlığı daşıya bilən hipersəsli Zirkon raketinin yeni şəkillərini paylaşıb. Sözügedən raket Rusiya prezidenti

 

Vladimir Putinin təriflədiyi yeni nəsil rus silah texnologiyasının bir hissəsidir. Putin 2018-ci ildəki çıxışında hipersəs raketlərinin dənizdə və quruda 1000 kilometr məsafədəki hədəfləri vura biləcəyini açıqlamışdı. Raketi "dayanılmaz” və "məğlubedilməz” kimi xarakterizə edən Rusiya lideri, onların dünyanın demək olar ki, istənilən nöqtəsini vura biləcəklərini və ABŞ istehsalı olan raket qalxanından qaça biləcəklərini iddia edir.