Onun sözlərinə görə, son terrorçu məhv edilənədək türk ordusu mübarizəni dayandırmayacaq:

"Əməliyyatlar hazırda Türkiyə-İraq sərhədində 300 km uzunluğunda və 30-35 km dərinlikdə təhlükəsizlik zolağını təşkil etmək və terroru öz yuvasında məhv etmək məqsədi daşıyır. 

Türkiyə Silahlı Qüvvələri terrorizmlə mübarizə təcrübəsi və döyüş qabiliyyəti ilə dünyada birinci yerdədir. Dünyada terrorizmə qarşı mübarizə apara biləcək bir nömrəli ölkə Türkiyədir. Çünki Silahlı Qüvvələrimizin döyüş qabiliyyəti, inancı, əlində olan silah sistemləri və 38 illik terrorla mübarizə təcrübəsi onu dünyanın ən döyüşkən ordusu halına gətirib. Qətiyyətimiz və inancımız tamdır, son terrorçu məhv edilənədək əməliyyatlar davam edəcək”.

Y. Karauz qeyd edib ki, PKK terorçuları itkilərinin əvəzini teror aktları keçirməklə çıxmağa çalışır:

"Əlbəttə, türk ordusunun bu qərarlı mövqeyinin fəsadları da var. Məsələ ondadır ki, Türkiyə Ordusunun qarşısında duruş gətirə bilməyən terrorçular kütləvi terror aktları törətməyə çalışır. Bursada törədilən terror aktı buna misal ola bilər. Ancaq bu da bizi yolumuzdan döndərməyəcək. Çünki Ordumuzun qarşısında duruş gətirə bilməyən terrorçular hər zaman xain addımlara əl atıb. Bursada Penitensiar Xidmətin əməkdaşlarına qarşı törədilən terror aktı da belə xain əməllərdən, cinayətlərdəndir. Terror aktı nəticəsində bir əməkdaş şəhid olub, dörd əməkdaş isə yaralıdır”.