Bunu Sfera.az-a açıqlamasında politoloq Əlimusa İbrahomov deyib. O bildirib ki, Rusiyanın bu davranışını qiymətləndirmək çətin olsa da, müharibənin öz qanunları var:

"Rusiya Hərbi Dəniz qüvvələrinin tərkibində bundan başqa cəmi eyni tipli iki kreyser mövcuddur: Sakit Okeanda " Varyaq” və Şimal flotunda " Marşal Ustinov” kreyserləri. Amma bu kreyserlərin Ukrayna-Rusiya döyüş cəbhəsinə gətirilməsi və onlardan Ukraynaya qarşı istifadə olunması Rusiya üçün çox çətin, bəlkə də mümkünsüzdür. "Moskva” kreyserinin batırılması Rusiya-Ukrayna müharibəsinə necə təsir göstərməsini qabaqcadan söyləmək mümkün olmasa da, Rusiyanın əl-qolunun bağlanması göz qabağındadır”.

Politoloq qeyd edib ki, mütəxəssislər bu hadisədən sonra Rusiyanın digər imkanlardan istifadə edərək Ukrayna şəhərlərinin daha da ağır raket zərbələrinə məruz qoyacağını proqnozlaşdırırlar:

"Rusiyanın bu itkinin yerini doldura biləcəyi məsələsi isə hələ uzun müddət müzakirə mövzusu olaraq qalacaq”.