Onun sözlərinə görə, Avropa İttifaqının vasitəçiliyi ilə Azərbaycan Prezidenti İlham Əliyevlə Ermənistan Baş naziri Nikol Paşinyan arasında Brüsseldə keçirilmiş görüşdən sonra nazirlər səviyyəsində belə təmas gözlənilən idi:

"Çünki Kreml regional proseslərin nəzarətindən kənar olmasını istəmir. Rusiya bölgədəki təsir gücünün tədricən azaldığını özü də bilir. Odur ki, "ofsayt"a düşməmək, əksinə, "mərkəz xəttində" olmaq üçün çalışır. Bu mənada Lavrovun açıqlamasının səmimiliyi şübhə doğurur. Ən azından ona görə əvvəllər Moskvanın ikiüzlülüyü, hətta onun öz imzasına etinasız yanaşması ilə bağlı kifayət qədər fakt görmüşük.


Ekspert qeyd edib ki, sərhədlərin müəyyənləşdirilməsi üzrə komissiyada Moskva da yer almağa çalışır:

"Məqsəd isə yenə də proseslərdə "düyün"lər yaratmaqdır. Bütün hallarda Rusiyanın Cənubi Qafqazdakı sülh və sabitlikdə maraqlı olduğu ağlabatan deyil. Geosiyasi mənzərə müəyyən mənada dəyişsə də, Kremlin regionla bağlı uzunillik maraqları dəyişməz olaraq qalmaqdadır”.