Sfera.az rəsmi məlumatlara istinadən xəbər verir ki, yanvar və fevral ayları ərzində 9,633 milyon sərnişin taksi xidmətindən istifadə edib. Bu, ötən ilin eyni dövrü ilə müqayisədə 17,4 faiz azalma deməkdir. 2021-ci ilin yanvar və fevral aylarında ümumən 11,658 milyon sərnişin daşınmışdı. Müqayisə göstərir ki, taksidən istifadə edən sərnişinlərin sayı 2,025 milyon nəfər azalıb.

Ötən illə müqayisədə bu il taksi ilə sərnişin daşınmasının azalması xüsusi karantin rejiminin yumşaldılması ilə bağlıdır.

2021-ci ilin ilk aylarında metro vasitəsilə sərnişin daşınması qadağan edilmişdi, eyni zamanda həftənin şənbə və bazar günlərində avtobuslarla da sərnişin daşınmırdı. Bu səbəbdən əhali taksi xidmətlərindən daha çox istifadəyə məcbur idi. 2022-ci ildə isə bu məhdudiyyətlərin heç biri yoxdur və sərnişinlər daha ucuz nəqliyyat xidməti olan metro və avtobuslarlardan istifadə etməyə üstünlük verir.