"Əvvəllər xarici proqram "oğurluğuna" icazə verən Rusiya indi də xarici avadanlıq "oğurluğuna" icazə verəcək”.
 

"Rusiya qlobal dünyanın total sanksiyaları ilə üz-üzə qalıb. Bütün texnoloji şirkətlər Ukraynaya təcavüzlə bağlı Rusiyanı tərk edib. Rusiya vəziyyətdən çıxış yolları axtarır. Əvvəllər qeyd etmişdik ki, Rusiya dövlət və özəl sektorda proqram təminatı sahəsində "oğurluğa" icazə verib. Yəni bu ölkədə xarici proqram təminatlarından lisenziyasız istifadə artıq hər hansı cinayət və inzibati məsuliyyət yaratmır. İndi də Rusiya hökuməti avadanlıq "oğurluğuna" icazə verir.
 
Ekspert Rusiyada "İT qara bazarı"nın foralaşacağını deyib:
  
"Əvvəllər Rusiyada mövcud olan qaydalara görə istehsalçı şirkət bu ölkə üçün texnoloji məhsullarına mütləq qabaqcadan siyahısı təsdiqlənən yerli proqram təminatlarını da yükləməli idi. Xarici avadanlığa (telefon, kompyuter, noutbuk və ya TV və s.) yerli proqramlar yükləmədən ölkəyə daxil etmək cinayət məsuliyyəti yaradırdı, böyük cərimələr tətbiq edilirdi. Artıq bu qaydalar da Rusiyada ləğv edildi. İndiki qaydalara görə hər hansı avadanlığı paralel olaraq istənilən yerdən alıb Rusiyaya gətirmək olar. Güman etmək olar ki, Rusiyadakı bu qərarlarla bağlı regionda nəhəng "İT qara bazarı" formalaşacaq. Qonşu ölkələr böyük pullar qarşılığında Rusiyaya bu texnoloji məhsulların, avadanlıqların sanksiyadan kənar ötürülməsi üçün platformaya çevrilə bilər”.
 
Əzizə Zeynal
Sfera.az