Kanada Xocalı qətliamını rəsmən tanıyıb.

Sfera.az xəbər verir ki, bu barədə "Neuron Technologies" şirkətinin rəhbəri, Kanadada yaşayan Azərbaycan icmasının nümayəndəsi İsmayıl Ələkbərov öz "Facebook" səhifəsində paylaşıb.


Bu, bütün Azərbaycan xalqının uğuru və Xocalı qurbanlarının ruhuna ehtiramdır. Pərdəönü və pərdəarxası böyük uğurlu lobbiçilik bax budur. İcma quruculuğu, vahid diaspora formalaşdırılması bax budur. Kanada Azərbaycanlılarının bir platformada birləşərək iradəsini sistemli şəkildə ortaya qoymasının nəticəsi bax budur!

Kanadada vahid diaspora təşkilatımız olan NAC-a, şəxsən Anar Cahangirliyə, idarə heyətinin hər bir üzvünə, NAC-ın çoxminlik üzvlərinə təşəkkür edirəm, bu işin altına əlini qoyan Kanadada yaşayan həmvətənlərimin kiçiyindən böyüyünə qədər hər birinin qarşısında baş əyirəm!

Dəyərlilərim mənim, biz bununla işimizi bitirməməliyik, növbəti hədəfimiz Ermənistan dövlətindən bu qətliama görə üzr istənilməsinə və Azərbaycana təzminat ödənilməsinə nail olmaqdır. Allahdan Xocalıda qətlə yetirilmiş soydaşlarıma rəhmət diləyirəm”, – paylaşımda qeyd olunub.

Turan Rzayev