Sfera.az bildirir ki, Vira Makov adlı azyaşlının sosial mediada yayılan şəkilləri bunu deməyə əsas verib. Belə ki, 2,5 yaşlı qızın ötən gün Buçada çəkilən fotosu Çexiya, Macarıstan, Polşa və Slovakiyadakı hadisələrdən xəbər verən "Visegrad24” xəbər saytı tərəfindən paylaşılıb.

Görüntülərdə uşağın kürəyində qələmlə onun adı, soyadı və doğum tarixinin yazıldığı görülüb. Bundan başqa, ana kiçik qızının kürəyinə öz telefon nömrəsini yazıb. Məlumata görə, ukraynalı analar bu üsulla müharibədə ölmək riski olan övladlarını tapmağa ümid edirlər. Həmçinin "Onlar övladlarının ciblərinə qoyduqları şəxsiyyət məlumatlarının itməsi, yanması və s. ehtimallara qarşı son çarə olaraq bunu edirlər”, - deyə bildirilib.

Viranın fotoları qısa zaman ərzində sosial mediada gündəm olub.