"İsraillə
təbii qaz kəmərinin çəkilməsi qısa müddətdə mümkün deyil".
Sfera.az xəbər verir ki, bu sözləri
Türkiyə xarici işlər naziri Mövlud Çavuşoğlu deyib.
Mövlud Çavuşoğlu enerji asılılıqlarının olmadığını bildirib:
"Mayın ortalarında bizim enerji nazirimiz Fatih Dönməzlə Fələstinə və İsrailə səfərimiz var. İsrailin Baş naziri Naftali Bennet aprelin 3-də xaricdə
olacaq, ona görə səfərimizi mayın ortalarına təxirə saldıq. Axı bu bölgədəki qazın da
Türkiyədəki boru kəmərlərinə qoşulması və oradan Avropaya göndərilməsi
vacibdir. Onu çox qısa müddətdə əvəz etmək çətindir. Biz enerji asılılığımızı
azaltmalıyıq.
Bu bütün dünyada çətindir, bütün ölkələr axtarışdadır. Ona görədə Amerika yenidən Venesuela ilə
danışıqlara başlayır. Hazırda tədarük problemimiz
yoxdur".
"Biz sanksiyalarda iştirak etməmişik. Vasitəçi olduğumuz halda iştirak etməyimiz də düzgün olmazdı. Hamı da bunu anlayışla qəbul etdi", - Çavuşoğlu qeyd edib.
Turan Rzayev
Sfera.az