Rusiya Kiyevi onlara görə ələ keçirə bilmir – 30 nəfərlik dəstə alaqaranlıqda…

Media 28 Mart 2022 | 15:53

OXUNUB: 3655

Rusiyanın Kiyevi ələ keçirə bilməməsi hələ də müharibənin ən çox danışılan mövzularından biridir.

Sfera.az "The Guardian”a istinadən xəbər verir ki, ukraynalı komandirin verdiyi məlumata əsasən, 30 nəfərlik xüsusi qrup Rusiya karvanını pilotsuz təyyarələrlə sıxışdıraraq, onların irəliləməsinə mane olur. 2014-cü ildə yaradılan könüllülər komandası olan Aerorozvidka İT işçiləri və dron dizaynerləri tərəfindən yaradılıb. Bu komanda indi Rusiya-Ukrayna müharibəsində əsas rol oynamağa başlayıb.

Ukrayna Rusiya tanklarına qarşı Qərb dövlətlərinin göndərdiyi tank əleyhinə sursatlardan istifadə edir. Aerorozvidka komandası isə dövlət tərəfindən maliyyələşdirilən sistemlə dronlar, termal kameralar və uzaq məsafəli modemlər alır.

Polkovnik-leytenant Yaroslav Honçarın komandanlığı ilə bu kiçik bölmə İvankov şəhəri yaxınlığında rus tanklarının karvanını pusquya salıb. Velosiped sürən əsgərlər alaqaranlıqda meşədən keçərək rus tanklarına yaxınlaşa biliblər. Çernobıl istiqamətindən Kiyevə doğru irəliləyən tanklar bu şəkildə pusquya düşüblər. Gecə görmə eynəkləri, snayper tüfəngləri, pultla partladılmış minalar, termal kameralı dronlar və 1,5 kiloqrama qədər bomba daşıya bilən xüsusi dronların köməyi ilə komanda Kiyevin müdafiəsinə dəstək verən gizli qəhrəmanlara çevrilib.

Aerorozvidka bölməsi müharibənin ilk günündə Rusiyanın Hostomel hava limanına hücumunu dəf etməyi öhdəsinə götürüb. Bölmə yenə pilotsuz təyyarələrin köməyi ilə 200 rus desantını aşkar edərək onları atəşə tutub.

Bütün bu iddiaları bir-bir sübut etmək mümkün olmasa da, Ukraynanın İvankovdakı müdafiə uğuru ABŞ rəsmiləri tərəfindən vurğulanır və bu pilotsuz təyyarələrdən istifadənin müharibədə Ukraynanın xeyrinə bir çox vəziyyətlər yaratdığı qeyd edilir.

Aerorozvidka komandası ilk dəfə 2014-cü ildə Maydan üsyanı zamanı meydana çıxıb. Rusiyanın Krımı ilhaqı və Donbassda müharibənin ilkin mərhələlərində öz texniki avadanlıqlarını ortaya qoyan komandanın yaradıcısı Vladimir Koçetkov-Sukaçdır. O, 2015-ci ildə Donbassdakı döyüşlər zamanı həlak olub.

"Aerorozvidka”nın ekipajı həmişə təhlükə altındadır, çünki ruslar pilotsuz təyyarələrin siqnallarını kəsərək minaatanlarla cavab verirlər.

Bir tərəfdən Aerorozvidka Rusiyanın Ukraynaya qarşı texniki müharibəsi üzərində də işləyir. Ukraynanın kommunikasiya xətlərinə hücumlar təşkil edərək rabitəni zədələməyə çalışan düşmən qoşunlarının istifadə etdiyi rabitəni bloklayan alətləri təqib edərək hücumlarını buna uyğun planlaşdırır.

Aerorozvidka assosiasiyası həmçinin müharibələrin gələcəyi ilə bağlı ipuçları verir və gələcək müharibələrdə belə texnologiyalardan istifadənin nə qədər vacib olacağını vurğulayır.

Əzizə Zeynal

Sosial şəbəkələrdə paylaşın: