Sfera.az bildirir ki, bununla bağlı ABŞ-da yerləşən peyk təsvirləri şirkəti "Maxar” görüntülər yayıb. Görüntülərdə rus karvanının dağılandan sonra şəhərə yaxın əraziyə yenidən yerləşdiyi görülüb.

CNN-in xəbərinə əsasən, dünən yerli vaxtla saat 11:37-də çəkilmiş peyk görüntüləri karvanın bəzi elementlərinin Ukraynanın Lubyanka yaxınlığındakı meşələrə və ağaclıq ərazilərə "köçürüldüyünü” göstərib.

Eyni zamanda Lubyanka yaxınlığında, Antonov Hərbi Hava Bazasından təxminən 5 kilometr şimal-qərbdə, seyrək meşəlik ərazilərdə Rusiya ordusunun maşın və silahlarının gizləndiyini müşahidə olunub. Görüntülərdə aviasiya bazasından 16 kilometr qərbdə yerləşən Berestyankada ağacların yaxınlığındakı ərazidə bir sıra yanacaq daşıyan maşınlar və çoxsaylı reaktiv yaylım atəşi sisteminin olduğu da əks olunub.

Digər tərəfdən, ABŞ prezidenti Co Bayden bu gün saat 18:15-də Rusiyaya qarşı yeni sanksiyaları açıqlayacağını deyib. "Reuters” xəbər agentliyinin məlumatına görə, Bayden bu gün Rusiya ilə normal ticarət əlaqələrinə son qoymağa çağıracaq.