Sfera.az bildirir ki, bu barədə Ukrayna Milli Təhlükəsizlik Şurası məlumat yayıb. 

Qurumun katibi Aleksey Danilov  çeçen əsilli rus əsgərlərindən ibarət 2 xüsusi qrupun olduğunu qeyd edib: 

"Bir qrup Qostomeldədir, digəri isə məhv edilib. Biz nə prezidentimizi, nə də torpağımızı kiməsə verəcəyik".

Digər tərəfdən, Rusiyanın ən mühüm hədəflərindən biri olan Xarkovun gecə-gündüz bombalandığı bildirilib. Xarkov qubernatoru Aleq Sinegubov çıxışı zamanı Rusiyanın hərbi cinayətlər törətdiyini ifadə edərək, "Bu gün şəhərin mərkəzindəki xəstəxana və universitetə raketlər düşüb. Mülki insanlar apteklərə, bazarlara gedirdilər. Aralarında uşaqlar da olmaqla, mülki insanlar həlak olublar”.

Hava hücumunda çoxmərtəbəli binalara da ziyan dəydiyini bildirən Sinequbov, "Hələ də çoxlu insan dağıntılar altındadır. Bu cür hərəkətlər müharibə cinayətidir və ciddi şəkildə cəzalandırılmalıdır. İnsan həyatı ən qiymətli şeydir. Mərhumların ailələrinə başsağlığı verirəm”, - deyə söyləyib.

Ukraynanın daxili işlər naziri Anton Geraşenko isə Rusiyanın Xarkovda səhər saatlarında həyata keçirdiyi hücumlarda 10 nəfərin öldüyünü, 35-dən çox insanın yaralandığını açıqlayıb.