Ailədaxili münaqişə ilə bağlı çağırışa gedən polislər ünvana çatdıqları vaxt qapının yaxınlığında kürəyindən yaralanmış kişini görüblər. Onun arvadı tərəfindən bıçaqlandığı məlum olub.

“Hürriyet”in xəbərinə görə, hadisə Türkiyənin İstanbul şəhərində baş verib.

Rəcəb T. adlı şəxs dərhal təcili yardım maşını ilə xəstəxanaya çatdırılıb. Evdə gizlənən Fadime T. isə polislər tərəfindən saxlanılıb.

Qadının mediaya açıqlaması hər kəsi təəcübləndirib. Fadime T. ərinin onu bu işə məcbur etdiyini deyib.

Məhkəmə önünə çıxarılan qadın sərbəst buraxılıb. Onun ərinin vəziyyəti qənaətbəxşdir.