Internet saytlarının birində 30 illik “Mercedes W124” (300 D Turbo) satışa çıxarıldı, avtomobil indiyənə kimi yol üzü görməyib. Sedanın vəziyyəti yeni avtomobildə seçilmir və buna görə qiyməti birqədər böyükdür. 

Avtosfer.az xəbər verir ki, “Mercedes E-klass”ın yürüşü inanılmaz 378 km təşkil edir. Həmcinin elanda qeyd olunur ki, avtomobil 1991-ci ildə alınıb, ilk və tək sahibi İspan vətəndaşıdır. Avtomobil sahibi tərəfindən 30 il əvvəl Sevilyadakı saxlanılıb və istifadə etməyib.

Avtomobilə aid bütün sənədlər qaydasındadır, dövlət qeyddiyyat nişanı, vəsiqəsi və hətta orijinal alətlər dəsti belə saxlanılıb. “Mercedes E-klass”ın banı şirkətin məhşur rəngi olan “İmpala Metallic”-a boyadılıb, salonu isə, dəri və ağac işləmələrdən hazırlanıb. Həmcinin avtomobildə elektron şüşəqaldıranlar və “Pioneer” audio sistemi var.

“Mercedes W124”-ün kapotu altında zəmanə sınağından keçmiş 3,0-litlik, 143 at gücünə malik olan dizel mühərrik quraşdırlıb. Xatırlada ki, avtomobil avtomatik sürət qutusu ilə çalışır.

Nazim Nadiroğlu