“CMXXIV” verilişi ilə tamaşaçılarla görüşən türkiyəli aktyor Cem Yılmaz pərəstişkarının istəyinə biganə qalmayıb.

Sfera.az xəbər verir ki, məşhur komediyaçını izləmək üçün bilet alan şəxs əlverişsiz hava şəraiti ilə bağlı verilişin təxirə salınmasını istəyib.

Təşkilat şirkətindən mənfi cavab alan şəxs sosial media platformasında Cem Yılmaza yazıb.

Cem Yılmaz ona “Əziz qardaş, problemini həll edə bilmədinsə, biletin pulunu qaytara bilmədinsə, söz verirəm ki, istədiyin tarixdə səni qonaq edəcəyəm”, - deyə cavab verib. (Qafqazinfo)