Mişar mühərrikləri dedikdə ağlınıza gələn ilk şey meşədə ağac doğrayan bir əşya olsa da, onların ixtirasının əsl məqsədi tamam başqa bir hekayəyə gedib çıxır.

Bəs, bu alət doğuşa kömək etmək üçün niyə və necə istifadə edilib? 

Sfera.az bu haqda maraqlı məlumat təqdim edir.

18-ci əsrdə qeysəriyyə əməliyyatı hələ adi bir təcrübə deyildi və bütün doğuşlar təbii yolla həyata keçirilirdi. 

Bununla belə, bəzi körpələr çanaqda ilişib qala bilər və ya arxası üstə ola bilərdi. Bu hallarda həkimlər ana və körpəyə zərər vermədən sümükləri və qığırdaqları çıxarmalı idilər.

Bu çətin prosedurun adı "simfiziotomiya" idi.

Simfiziotomiya körpələrin doğum kanalından keçə bilməsi üçün çanaq sümüklərinin cərrahi genişlənməsini tələb edirdi.

O zaman bu çox ağrılı və uzun bir prosedur idi. İstifadə olunan kiçik bıçaq və mişarlar həm böyük qan itkisinə, həm də infeksiya riskinə səbəb olurdu.

18-ci əsrin sonlarında iki şotlandiyalı həkim Con Aitken və Ceyms Ceffrey bu çətin prosesi sürətləndirmək və daha təhlükəsiz etmək üçün həll yolu axtardılar.

Həll isə bu gün ustaların istifadə etdiyi bir alət idi: mişar mühərriki.

İlk mişar mühərriki əl çarxı ilə işləyirdi və kiçik bir zəncir üzərində dişləri olan bir bıçaq şəklində idi. Bu gün istifadə edilən böyük zəncirli mişarlardan fərqli olaraq ixtira həkimlərə çanaq sümüklərini daha tez və daha az qan itkisi ilə çıxarmağa imkan verdi.

Proseduru daha az ağrılı etməsə də, bu, həmin dövrdə əhəmiyyətli bir inqilab olmuş və bir çox ana və körpənin həyatını xilas etmişdi.

Aysel