Polşalı dəfinəaxtaranlar böyük bir tapıntı ilə rastlaşıblar. Avtosfer.az-ın vanityfair.fr-ə istinadla xəbərinə görə, tərk edilmiş binanın xarabalıqlarında yerə basdırılmış metal konteyner aşkar edilib. Hündürlüyü 1,5, eni 0,5 metr olan konteynerdə 4 tonadək qızıl-zinət əşyası aşkar edilib.

Sileziyada tapılan dəfinənin nüfuzlu alman zabitlərindən birinə aid olduğu şübhə doğurmur. Onun Hitler Almaniyasının daxili işlər naziri Henrix Himlerə aid olması ehtimalı yüksəkdir. Binanın başqa yerlərində də talan edilmiş qənimətlərin olması fərziyyəsi irəli sürülüb. 

Sarayın başqa yerlərində də axtarış davam edir. Lakin 3 metr dərinliyə basdırılan konteynerin çıxarılmasına icazə verilmir. Polşa ordusu ərazidə minatəmizləmə işləri apardıqdan sonra konteyner qazılıb çıxarılacaq. Dəfinənin ətrafında mina tələsinin olması riski böyükdür.

Onu da deyək ki, sözügedən bina 3-cü Reyxin vaxtında əxlaqsızlıq yuvası kimi fəaliyyət göstərib. Minlərlə əsir qadın burada alman zabitlərinin cinsi ehtiyaclarını ödəyirdi.

Vüqar