Orta yaşlı sürücü maşın hərəkətdə olarkən huşunu itirib. Yanından keçən avtomobillərin sürücüləri onu ayıltmaq üçün əllərindən gələni ediblər. Onlar sürücünün avtomobilini yolun ortasında dayandırmağı bacarıb.  Avtosfer.az bildirir ki, hadisə xarici ölkələrin birində yaşanıb. Magistral yolda hərəkət zamanı sürücülər önlərindəki avotmobilin qeyri-adekvat sürüdüyünü görüb etiraz etmək istəyəndə bir anda avtomobili idarə edənin halının pis olduğunu anlayıblar. Bir neçə sürücü avtomobilindən enərək onun hərəkəti dayandırmasına nail olub. Huşunu itirən sürücü isə pəncərəni ya qapını aça bilməyib. İnsanlar onun həyatını xilas etmək üçün pəncərəsini sındırmağa çalışıb. Sonda yoldakılardan biri arxa şüşəni sındıraraq avtomobilin salonuna daxil olub və sürücünün qapısını açıb. Yavaş-yavaş özünə gələməyə başlayan sürücü isə olanları xatırlamadığını bildirib. Təcili yardım gələnə qədər qayğıkeş insanlardan bir neçəsi onun yanında gözləyib. 

Aysel