ABŞ-ın Florida ştatında hər kəsi heyrətə gətirəcək hadisə baş verib.

Avtosfer.az xarici KİV-ə istinadən xəbər verir ki, Florida ştatında yaşayan Vilyam adlı şəxs 1997-ci ilin iyununda bardan çıxdıqdan sonra ondan xəbər alınmayıb. Uzun sürən axtarışlar nəticəsiz qalıb. 
Lakin Vilyamın itkin düşməsindən 22 il sonra qəribə hadisə baş verib. Belə ki, Qrand Ayls adlı bir şəxs, köhnə məhəlləsinə "Google Earth"də baxdıqda, orada yerləşən göldə, qəribə bir obyekt görüb.

Dərhal gölün ətrafında yaşayan tanışından gölü yoxlamasını xahiş edib. Bulanıq suyun dərinliyinə batmış avtomobili görə bilməyən dostlar, polisə müraciət etməyi qərara alıblar.

Polislərin həmin ərazini yoxlamasından sonra orada bir maşının olduğu dəqiqləşib və avtomobil sudan çıxarılıb. Göldən çıxarılan maşında insana məxsus bir skelet tapılıb. Daha sonra həmin skeletin Vilyam Erl Molta aid olduğu müəyyənləşdirilib.

Nərminə Əli