ABŞ-ın Los-Anceles şəhərinin Şimali Hollivud bölgəsində Amerika Televiziya Akademiyasının yerləşdiyi ərazidə evsizlər üçün qəsəbə salınıb.

Qəsəbə ərazisində sahəsi 6 kvadratmetr olan 39 yığma ev tikilib. Bu cür qəsəbə və kəndlərin salınmasında məqsəd evsizliklə mübarizə aparmaqdır.

Amerikanın “Palet Shelter” şirkəti tərəfindən verilən modul konstruksiyalar bir və ya iki sakin üçün nəzərdə tutulub. İçəridə yataqlardan, əşyaların saxlanılması üçün rəflərdən və havalandırma avadanlığından başqa heç nə yoxdur.

Qəsəbənin dizayn və tikinti işləri rekord müddətə - 13 həftəyə başa gəlib. (Azərtac)