Türkiyənin Muğla vilayətinin Bodrum rayonunda yaşayan Cemil Çoban 600 keçidən ibarət sürüsünü daha asan istiqamətləndirmək və heyvanların itməsinin qarşısını almaq üçün drondan istifadə edir.

Publika.az xəbər verir ki, 3 uşaq atası olan 41 yaşlı Çoban motosikleti və dronu ilə böyük sürüsünü təkbaşına idarə edə bilir.

O, işini çox sevdiyini, həyatı boyunca heyvanlardan qopmadığını bildirir: “Hər gün kilometrlərlə yolu getmək mənim üçün çox çətin olurdu. Əvvəl durbin işimə yarayırdı. Daha sonra motosiklet aldım. İndi isə motosikletlə gedə bilmədiyim yerlərdə sürümə dronla nəzarət edirəm. Bəzən mənim getdiyim 1 saatlıq yolu dron 1 dəqiqədə qət edir. Ata məsləyimdə texnologiyadan istifadə etdiyimə görə mənə “texnoloji çoban” deyirlər”.