Sfera.az bildirir ki, hadisə ötən gün restoranların birində baş verib. Belə ki, şoumenin yaxınları ilə əyləndiyi yerə daha bir dost qrupu gəlib. Əcnəbi vətəndaşlardan ibarət qrupla Erbilin qrupu söhbət etməyə başlayıb. Sonrakı dəqiqələrdə özünü Saşa kimi təqdim edən gənc Amerika vətəndaşı olduğunu və məşhur şoumeni çox bəyəndiyini bildirib. Aparıcı ilə söhbət etmək üçün onun masasına yaxınlaşıb. Lakin iddialara görə, içkili vətəndaş Mehmet Alini təhqir etməyə başlayıb və onu döyməyə çalışıb. Həmin şəxsin əyləşdiyi stulla şoumenə hücum etdiyi də bildirilib.

İşçilərin müdaxiləsi ilə yekunlaşan mübahisədən sonra, Mehmet Ali Erbil polisə zəng edərək Saşadan şikayətçi olub.  Sözügedən şəxsin holland olduğu müəyyən edilib və sorğulanmaq üçün mərkəzə dəvət olunub.