Türkiyə və Rusiya İstanbul şəhərində qaz ticarət mərkəzi yaradacaq. Layihə 2025-ci ildə istifadəyə hazır olacaq.

Sfera.az xəbər verir ki, bu haqda məlumatı Türkiyənin energetika naziri Alparslan Bayraktar “Milliyet” qəzetinə müsahibəsində açıqlayıb.

O deyib ki, layihənin icrası “Qazprom” və “Bota”nın iştirakı ilə həyata keçiriləcək:

“2025-ci ildə “Bota” və “Qazprom” ilə birgə İstanbul Maliyyə Mərkəzində ticarət platformasını idarə edəcək güclü bir infrastruktur yaradacağıq. Biz onlara anlaşma memorandumu göndərmişik”.

Nazir qeyd edib ki, qaz ticarət mərkəzi yaradılandan sonra İstanbulda qaz indeksi müəyyən ediləcək:

“Yəni qazın qiyməti İstanbulda müəyyən olunacaq. Rusiya qazı satılanda deyiləcək ki, bu qazı İstanbul qaz indeksi ilə satıram”.

Vasif

Sfera.az