Dünən (28 aprel), saat 21:30 radələrində Xırdalan dairəsindən şəhər istiqamətində qurulmuş karantin postunun yaxınlığında vətəndaş Vüqar Sadiqova məxsus 90 CC 116 dövlət nömrə nişanlı, "BMW" markalı avtomobilin ön təkəri deşilib. Əlil olan Vüqar köməksiz vəziyyətdə qalıb. Bu zaman ərazisində 99 YP 683 dövlət nömrə nişanlı, patrul avtomobili ilə xidmət aparan Baş Dövlət Yol Polisi İdarəsinin Yol Patrul Xidməti Alayının Ekoloji Nəzarət Bölüyünün əməkdaşları, polis serjantları Sarı Mustafayev və Elmir Əmirov sürücünün köməyinə çatıblar. Yol polisi əməkdaşları avtomobilin təkərini dəyişiblər. 

Vüqar Sadiqov Avtosfer.az-a müraciət edərək Dövlət Yol Polisi İdarəsinin rəhbərliyinə, eyni zamanda ona kömək edən polislərə təşəkkürünü bildirib. Vətəndaşın saytımıza göndərdiyi fotoları təqdim edirik:

Orxan