Bir neçə gün əvvəl Nizami rayon məhkəməsinin qarşısında qrup halında avtoxuliqanlıq hərəkətləri edərək videoya çəkib sosial şəbəkələrdə paylaşmışdı. Avtosfer.az xəbər verir ki, sürücülərdən 4-ü aparılan araşdırmalar zamanı növbəti gün saxlanılmışdı. Lakin 99 LM 052 dövlət nömrə nişanlı, "BMW" markalı avtomobilin sürücüsü Musayev Nizami Vaqif oğlu bir müddət idi ki, gizlənirdi. Nizami rayon Dövlət Yol Polisi Şöbəsinin əməkdaşlarının axtarışları nəticəsində həmin şəxs aşkarlanıb. Onun barəsində toplanmış materiallar aidiyyəti üzrə məhkəməyə təqdim edilib. Məhkəmənin qərarı ilə Nizami Musayev bir il sürücülük hüququndan məhrum edilməklə 800 manat məbləğində cərimə edilib.

Orxan