Adi günlərlə müqayisədə karantin müddətində hərəkətdə olan maşınların sayı azaldığı üçün yol-nəqliyyat hadisələrinin sayında da azalma müşahidə edilir.

Bunu Axar.az-a açıqlamasında Bakı şəhər BPİ Dövlət Yol Polisi İdarəsinin bölmə rəisi, polis polkovniki Vaqif Əsədov deyib. O, sürücülərə yolların boş olmasından istifadə edərək sürət həddini aşmamağı tövsiyə edib:

"Sürücülər hesab etməsinlər ki, karantindir deyə, avtomobili istədikləri kimi idarə edə bilərlər. Sürət həddini aşmaq, təhlükəsizlik kəmərindən istifadə etməmək və bu kimi digər xətalar avtomatik olaraq texniki vasitələrlə qeydə alınır və elektron cəzaların verilməsi üçün qərarlar qəbul edilir”.